నా సైటులో ఉండే సమాచారం ఈ మధ్య తెలుగులో కూడా ఎక్కువ ఉండటం వల్ల, ద్రుపాల్‌తో పాటే వచ్చే శోధన యంత్రంలో యూనీకోడ్‌ వెతకడానికి సదుపాయం లేకపోవడంతో కాస్త చిక్కుల్లో పడ్డాను. వెతికినప్పుడల్లా, "You must include at least one positive keyword with 3 characters or more." అంటూ ఇదిగో ఈ కింద చూపించినట్టు చేతులెత్తేస్తుంది.

దీనికోసం "ద్రుపాల్ లో తెలుగు వెతకడం ఎలా" అని అక్కడ, ఇక్కడ కనబడిన వారందర్నీ అడిగి విసిగించేశాను. కాస్త స్వయంగా రంగంలోకి దిగి కిందా మీదా పడ్డాను, కాని ద్రుపాల్ గురించి తెలుసుకోవల్సినవి బోల్డన్ని తెలుసుకున్నాం కాబట్టి, అదంతా వృధాగా పోలేదు. మొత్తానికి దారి దొరికింది. మీ సైటులో యూనీకోడ్‌ మూలానికి సూచిక నెలకొల్పాలంటే చేయాల్సిందిదీ..