నాకు తెలియక అడుగుతున్నా.. లౌక్యం అంటే? "గోడ మీద పిల్లి లా ఉండడం", "ఏం పట్టనట్టు తప్పించుకుపోవటం.".. ఇలాంటివి కాదు కదా? నాకు తెలిసిన వరకు లౌక్యం.. "సందర్భానుచితంగా, సమయస్పూర్తి తో మసులుకోవటం". ఇక్కడ సందర్భం అన్నది ప్రదేశాన్ని బట్టి, కాలాన్ని బట్టి మారుతుంటుంది. ఉదాహరణకి.. మహామంత్రి తిమ్మరుసు గారు ఆలోచించిన తీరు చాలా లౌక్యంగా ఉంటుంది.(తిమ్మరుసు గారెవరో తెలియకపోతే క్రిష్ణదేవరాయలవారు తెలిసినా దండగే.. :P ) కాని నా కళ్ళకి చాలా వింతలు కనిపించాయి(స్తున్నాయి). ఈ లౌక్యం అన్న పదాన్ని అడ్డుపెట్టుకుని భలే బ్రతికేస్తుంటారు కొంతమంది. రెండు నాలుకల వెధవలందరూ(క్షమించాలి) లోకం తెలిసినవారవ్వరు.. అలాగే నాలుక లేని వాళ్ళు కూడా కారు. మాట్లాడని వాడు బుద్దుడూ కాడు, నమ్మించేలా మాట్లాడే ప్రతీవాడు నాయకుడూ కాడు. సరే.. 'అవ్వరు, కాడు' అంటున్నావ్.. నువ్వు చెప్పరాదు వాళ్ళెలా ఉండాలో అంటే.. నా దగ్గర నా సమాధానం ఉంది(అందరికి వర్తించకపోవచ్చు), తక్కువ వాగినా.. వాగి చేసిన వాగ్దానాలన్నిటికి విలువిచ్చి నెరవేర్చేవాడు నాయకుడు... ఇందులో కూడా లొసుగులున్నాయ్. నాయకుడనేవాడు ఎన్నుకున్నవారికే కాదు, అందరికీ నాయకుడే.. ఇది మన ప్రజాస్వామ్య దేశంలో సంగతి. కాబట్టి 'నేను తక్కువ వాగుతాను' అని ముడుచుకుని కూర్చుంటే కుదరదు.. ఎందువల్ల అంటే.. దొబ్బేవాళ్ళ గోల ఎప్పటికప్పుడు ఉంటూనే ఉంటుంది కాబట్టి... మళ్ళీ అదే కారణం, ప్రజాస్వామ్యం! దీనికి కాల గర్భాన మనం కనుగొన్న కవచం.. ముసుగు. ఆ ముసుగు ఇది వరకు 'పైకి ఒకలా ఉంటూ, మనం లోలోపల మదన పడుతూ' అన్నట్టు ఉండేది. కాలక్రమేణ.. 'పైకి ఒకలా ఉంటూ, అవతలి వారిని లోలోపల మదన పెడుతూ' అన్నట్టు తయారైంది. ఇప్పటి మన నాయకులంతా(దాదాపుగా..) ఇదే(రెండో) కోవలో ఉన్నారు. ఒక్క మగాడు సినిమాలో నాకు నచ్చింది ఒకేఒక్కటి.. సరిగ్గా గుర్తులేదుకాని , ఇలా ఉంటుంది.. "పెదవి దాటని మాటకి నువ్వు యజమానివి.. పెదవి దాటిన మాటకి నువ్వు బానిసవి"... సత్యం! దీన్ని అనునయిస్తున్నట్టే మనల్ని మనం మభ్యపెట్టుకోవటానికి మనం కొన్ని ప్రయత్నాలు చేస్తుంటాం.. సంబంధం లేకుండా ఏదో చెత్త నెత్తికెత్తుకుని, ఎదో ఒకటి మోసి చస్తున్నాం కదా అని అవతలివారికి చూపించుకోవటానికన్నట్టు!
ఇప్పుడు నేను రాసిన దానికి 'అద్యాంతాలు' కనపడకపోవచ్చు.. కాని నా మనస్సులో ఉన్న మాటలివి.. ఇప్పటి నా తరంతో పంచుకోవాలనిపించి రాస్తున్నాను.. రాజకీయాలు కుళ్ళు కాదు, ఇప్పటి నేతలు(కొంతమంది) దాన్ని రొచ్చు చేశారు.. ప్రక్షాళన కోసం ఇంకో హిట్లర్ పుట్టనక్కర్లేదు.. అది మన చేతిలోనే ఉంది..

Listening to.. Jalsa!

Quote of the day:

"Once all village people decided to pray for rain. On the day of prayer all people gathered and only one boy came with an umbrella.... .. that's Confidence. Trust should be like the feeling of a one year old baby, when you throw him in the air, he laughs.....because he knows you will catch him.... that's Trust. Every night we go to bed, we have no assurance to get up alive in the next morning but still we have plans for the coming day....that' s Hope. Keep Confidence! Trust Others! Never Lose Hope!!"